«بحبك كل سنة وأنت في حياتي» بهذه الكلمات الرومانسية، احتفلت المطربة مي فاروق، بمرور عام على زواجها من الفنان محمد العمروسي، تزامنا مع بداية العام الجديدة، معربة عن حبها له وثقتها في كونه سندًا لها في الحياة.
مي فاروق: شكرًا إنك سند حقيقي وظهر يسندني
وشاركت مي فاروق متابعيها صورة لها برفقة زوجها محمد العمروسي عبر حسابها الرسمي بموقع «انستجرام»، حيث كتبت: «أول سنة جواز عدت بسرعة جدًا، سنة على جوازنا وعايزة أقولك شكرًا لوجودك ورجولتك، شكرًا إنك سند حقيقي وظهر يسندني من أول يوم قابلتك فيه».
وتابعت: «وأنت ما خيبتش ظني فيك، زى النهاردة من سنة ابتديت معاك حياة جديدة بحمد ربنا عليها، وربنا يخليك لينا ويديم وجودك فى حياتي، ويقدرني دايمًا أكون ليك سند وظهر وحب وأمان زي ما أنت ليا، بحبك كل سنة وأنت في حياتي»، ليتفاعل العمروسي مع رسالة زوجته، قائلًا: «حياتي وعمري ربنا يخليكى ليا وأقدر اسعدك بحبك لآخر نفس فيا».
جمهور مي فاروق يتفاعلون مع رسالتها الرومانسية
ومن جهتهم، تفاعل جمهور ومتابعو المطربة مي فاروق مع رسالتها لزوجها محمد العمروسي، حيث كتب أحد المتابعين: «ربنا يحفظكم ويبعد عنكم العين، ما صدقنا نشوف حب حقيقي»، كما علقت متابعة أخرى: «عيد زواج سعيد حبيبتي مي يا جميلة يارب يسعد أيامك كلها مع محمد المحترم ويهنيكم ببعض طول العمر».
محمد العمروسي يوجه رسالة لـ مي فاروق
وكان الفنان العمروسي قد وجه رسالة رومانسية لزوجته مي فاروق عبر حسابه بموقع «انستجرام» قائلا: «سنة في حبك أحلى سنة في عمرى، وأنتي جنبي، زى النهاردة كان يوم ميلاد جديد لي في الدنيا، وأجمل هدية رزقني بها الله هى أنتي».
وأضاف: «مفيش كلام يوصف إحساسى وحبى ليكى، ربنا يخليكى ليا وتفضلي في حضني عمري كله لآخر نفس، يا ست البنات، عقبال مليون سنة وانتي معايا، Happy anniversary my wife، I love you».
